Монголын төр сул дорой, Засгийн газар эмх цэгцгүй байгааг далимдуулж дундаас нь ашиг хонжоо горилогчдын тоо өдрөөс өдөрт нэмэгдсээр... Тэдний нэг нь С.Ганбаатар гэгч нөхөр. Германы хэлний бэлтгэлийн босгыг давж чадалгүй сургуулиасаа хөөгдөж байсан энэ залуу Англид хэдэн жил амьдарсныхаа дараахан Эрээний захын үүдэн дээр хэн ч тоож хардаггүй улаан эрээн дарцаг, баруун ч билүү зүүн гараа өргөсөн муур, мөнгө зуусан мэлхийний шавар дүрс, хуванцар эрхийг монголд бөөн бөөнөөр нь оруулж ирж зарж мөнгө босгосон. Бас болоогүй “Барууны их дээд сургуульд эдийн засгийн ангиудад, ялангуяа менежментийн ангиудад фэнг шуйгийн хичээл ордог юм. Тэндээс эхлээд дараа нь фэнг шуйгийн тө-рөлжсөн сургуульд нь сурч төгссөн. Фэнг шуй бол шашин биш, шинжлэх ухаан ч биш, харин амьдралын ухаан юм” хэмээн өөрийгөө рекламдаж байлаа. Үнэндээ Англид Фенг шуй-гийн Их сургууль байдаг эсэхийг, түүнийг нь С.Ганбаатар ямар дүнтэй төгссөнийг мэдэх гээд чадсангүй өнөөдөртэй золгов. Хөөрхий ядуус С.Ганбаатарын зөвлөснөөр шавар мэлхий хоймортоо залж, гартаа хуванцар эрхи өлгөөд арваад жилийн нүүр үзлээ. Амьдрал нь дээшилсэн хүн С.Ганбаатараас өөр нэг ч гарч ирсэнгүй. Харин өнгөрсөн хугацаанд С.Ганбаатарын амьдрал нь ч дээшилж, ажлын байр нь ч томорч. Саяхан визний залиланд нэр холбогдож явсан энэ залуу Төрийн ордны дэргэд байрлах болов. Бүүр болоогүй “Монголын засгийн газар тус холбооны зүгээс ирүүлсэн удаа дараагийн шаардлагад  хариу өгөөгүй. Тиймээс хуулиар олгогдсон тэмцлийн хэлбэрүүдээ хэрэглэнэ” гэж сүрдүүлж сууна. Гудамжинд жагсаал хийж, шар тууз хүзүүндээ өлгөчихөөд гүйж явсан С.Ганбаатарыг фенг шуйгийн шавар мэлхий, хуванцар эрхи танигдахгүй болтол өөрчилсөн юм биш. Харин түүний шантааж, ов мэх Монголын Үйлдвэрчний эвлэлийн нэр өөрчилж байгаа гэчихвэл тэр хүн заргалдаж чадахгүй нь ойлгомжтой.  С.Ганбаатар Ерөнхийлөгч гэдэг нэрэндээ тун их хайртай. Хамгийн инээдтэй нь тэр яг л улсын Ерөнхийлөгчийн дүрд тоглож, хүүхэд шиг тэнэг үйлдэл гаргаж, гаднйхны доог тохуу болж явна. Саяхан л Хятадуудын гарт орсон, их хэмжээний эд баялгыг цоорхой хуулийг далимдуулан гартаа оруулсан гэж хэл аманд орж байсан Цайрт менерал ХХК-ийн албан ёсны вейб сайт дээр тун хачирхалтай мэдээлэл гарсан байх юм. Уг мэдээний гарчиг нь Монголын Үйлдвэрчний эвлэлийн холбооны ерөнхийлөгч ноён Ганбаатар ”Цайрт Минерал” ХХК дээр айлчлав. Уг мэдээнд “Монголын Үйлдвэрчний эвлэлийн холбооны ерөнхийлөгч ноён Ганбаатар Сүхбаатар аймагт ажлын айлчлал хийх явцдаа Төмөртийн Овооны УБҮ-ийг үзэж сонирхохын  зэрэгцээ ”Цайрт Минерал” ХХК–ийн Үйлдвэрчний эвлэлийн үйл ажиллагаатай танилцлаа. Тэрээр хэлэхдээ: ...“Манай үйлдвэрчний эвлэлтэй хамтран ажиллаж байгаад баяртай байна. Хамтын ажиллагаагаа улам нягтруулж, болохгүй бүтэхгүй байгаа зүйлээ ярилцаж, хамтран  ажиллах хэрэгтэй” гэж мэдэгдэв гэх мэтээр бичсэн байх юм. Инээд ч хүрэх шиг. Өөрийгөө хэт их өргөмжилсөн Үйлдвэрчний эвлэлийн тэргүүнийг  газар малтаж, монголын баялгийг цөлмөж суугаа хятадууд даапаалаад байна уу? аль эсвэл С.Ганбаатар тэнд бүх л бүтэн улсыг удирддаг Ерөнхийлөгч шиг сүр бадруулж, ший жүжиг тоглоод байна уу гэдэг нь нэг л бүрхэг. Гадаадын хөрөнгө оруулалттай уул уурхайн компаниудаар айлчилдаг Үйлдвэрчний эвлэлийн Ерөнхийлөгч гэнэт гадныханд дургүй болж, Оюутолгойн гэрээг шүүмжилж, Засгийн газрыг сүрдүүлэх болсон нь бас л сэжиг төрүүлсээр байна. Үүнээс гадна С.Ганбаатар төрийн яамдын дотоод хэрэгт хошуу дүрж, мэдэхгүй чадахгүй гэх нэгээхэн ч зүйлгүй хүн болж хувирав. Одоо түүнд ганц л зүйл хэрэгтэй байгаа. Энэ бол УИХ-ын эрхэм гишүүний суудал. 2012 онд нэр дэвших эрх. Тиймээс тэр улс төр хийхийн тулдл зүтгэсээр... Бүр сүүлдээ даварч, Монголын нийт хөдөлмөрчдийг төлөөлж байгаа Үйлдвэрчний эвлэлтэй хамтран иргэдийн нийгмийн асуудал болон, стратегийн ордуудтай холбоотой асуудлаар зөвшилцөх ёстой гэж үзэж байгаа юм. Гэвч Монголын засгийн газар тус холбооны зүгээс ирүүлсэн удаа дараагийн шаардлагад  хариу өгөөгүй. Тиймээс холбооны удирдлага хуулиар олгогдсон тэмцлийн хэлбэрүүдээ хэрэглэнэ гэж мэдэгдээд байна. Өөрөөрхэлбэл гудамжны жагсаалаар гаршсан С.Ганбаатар үймээн самуун дэгдээнэ гэж заналхийлж байна.