“Х түц” продакшн "Бид амьдралд хайртай" шоу тоглолтоо Соёлын төв өргөөнд өдөр бүр тоглож байна. Тус тоглолтод МУГЖ Д.Хүрэлхүү, СТА жүжигчин Г.Ундармаа нар оролцон тоглож байгаагаар онцлог юм. Хамтран тоглох саналыг “Х түц” продакшны жүжигчин МУГЖ И.Одончимэг, СТА жүжигчин Н.Онон тавьсан ажээ.

Энэ талаар СТА жүжигчин Г.Ундармаа “Тайзаа их санасан байна. Тайзан дээр гарах юмсан гэж битүүхэндээ мөрөөдөж байж. Энэ хүслийг минь сонссон юм шиг Одноо эгч, Онон ах маань санал тавьж, ХТҮЦ продакшныхантайгаа хамтран тоглолт хийж байна. Хүндэлж, хайрлаж явдаг Одноо эгчтэйгээ хамт тайзан дээр гарч байгаадаа бахархаж  байна. Тайзан дээрээ гараагүй гурван жилийн хугацаанд зүгээр суугаагүй. Жилд нэг эмнэлэг тохижуулж, нэг кино хийж байсан байна. Энэ ажлаа ч үргэлжлүүлнэ. Сайн үйлсийн аян хийхэд олон хүнээс урмын үг сонсох сайхан байдаг” хэмээсэн байна.

Тэрбээр дахин инээдмийн кино найруулсан бөгөөд тус кино тун удахгүй дэлгэцнээ гарах юм байна.

Г.Тэгшсүрэн