УДБЭТ-ын уран бүтээлчид хөгжлийн бэрхшээлтэй иргэдэд зориулан “Сонгодог концерт” нэртэй тоглолтыг өнөөдөр зохион байгуулах гэж байна.

Тус театрын уран бүтээлчид хөгжлийн бэрхшээлтэй иргэдийг театрт хүндрэлгүй үйлчлүүлэх боломжийг нээж өгөх зорилгоор АНУ-ын ЭСЯ-ны дэмжлэгээр  “Тэргэнцэртэй иргэдийн газрын зураг” төслийг хэрэгжүүлжээ. Төслийн хүрээнд  “Би Чадна эм эн нэгдэл” ТББ-тай хамтран театрын гадна хэсэгт тэргэнцэртэй иргэдэд зориулсан тусгай шат, бариул зэргийг хийсэн аж. Улмаар дэлхийн сонгодог болон Монголын шилдэг бүтээлүүд эгшиглэх “Сонгодог концерт”-ыг тоглохоор болжээ.

Тус тоглолтоор дамжуулан нийгмийн эмзэг бүлгийнхэнд урам зориг өгөх, тэднийг нийгэмшихэд нь туслах зорилготой аж.

Г.Тэгшсүрэн