...“I have been thinking about you”, ...“Sweet dream”...

Сонсоод л шууж аманд аялагдаж байна уу. Аргагүй шүү дээ, 90-ээд оны эхээр залуусын дунд “жинхэнэ хит” болж байсан доргио дуунууд өнөөг хүртэл бидэнд домог болж чадсан шүү дээ. Ингэхэд энэ дуунуудыг “ориг”-оор нь сонсож хамт дуулах, бүжиглэх боломж олддог Монголчууд бид бас л азтай хүмүүс шүү. Дэлхийн өнцөг булан бүрт байнгын урилга заллагатай байдаг “London Beat”, “La Bouche” хамтлагууд хамтдаа Монголын тайзнаа тоглох гэж байгааг та сонссон л биз дээ? Бүр тодруулбал, Европын орнуудад 100$-аар үнэлэгддэг тоглолтыг бид эх орондоо ердөө 25.000-50.000 төгрөгөөр үзэх боломжтой болж.   

Хамтлагууд манайд 2 өдөр тоглох төлөвлөгөөтэй. Эхний өдөр “UB Palace”-т Нэгдсэн тоглолтоо хийгээд дараагийн өдөр нь “Крокус эвент холл”-д диско үдэшлэгтэй. Харин манай Монголчууд хойно, аль хэдийнээ Крокус-ийн диско үдэшлэгийн тасалбарыг “шуураад л” авчихаж. Гэхдээ бас болоогүй, Нэгдсэн тоглолтын тасалбар ч эрэлт ихтэй байгаа сурагтай шүү.   

Манайхан шиг гадны соёлыг нэвтрүүлж, түүнээсээ суралцаж чаддаг ард түмэн домог болсон энэ 2 хамтлагийн тоглолтыг тэсэн ядан хүлээж байгаа бололтой дог. За ялангуяа 80, 90-ээд оны залууст бол хуучнаа дурсах сайхан боломж олдож байгааг хэлэх үү.

Монголд 2 өдрийн турш тоглолтоо хийх “La bouche”, “London beat” хамтлагуудын хувьд Европоп болон Евродэнс жанрт зүй ёсоор багтдаг. 80-аад оны сүүл, 90-ээд оны эхээр дэлхийн тайзнаа гарч амжилтын гараагаа эхлүүлсэн түүхтэй.  Тэдний “Sweet dream”, “You bring me on the sun”, “I have been thinking about you” гээд л тэр үеийн залуус бид бүгдийг доргиодог байсан олон дуунууд Монголд “ирэх гэж байна”.  

Дашрамд дуулгахад, “UB Palace”-ийн Нэгдсэн тоглолтын тасалбарыг Номадсын сүлжээ ресторанууд, “Central tower” дахь Юнителийн салбараас худалдан авахаас гадна www.ticket.mn, 80087799, 88109968, 88084018 дугаараар үнэгүй хүргүүлэн авах боломжтой юм байна.     

Тоглолт болоход ердөө хоёрхон хоног үлдсэн байна шүү.

Диско хэмнэлийг хүлээж байгаа залуус минь урагшаа!