Холливудын нэрт жүжигчин Стивен Сигалд ОХУ-ын иргэншил олгох тухай зарлигт энэ сарын 4-ний өдөр тус улсын Ерөнхийлөгч В.Путин гарын үсэг зурсан тухай  “www.gazeta.ru” мэдээлсэн билээ.

 Уг мэдээллийг Кремлийн хэвлэлийн төлөөлөгч Дмитрий Песков баталсан юм.  Жүжигчин эр өнгөрсөн есдүгээр сард Алс Дорнодын Сахалины аралд болсон кино наадамд оролцох үеэрээ ОХУ-ын иргэн болохыг хүссэн билээ.

Тэгвэл Ерөнхийлөгч Путин өчигдөр жүжигчин эрд ОХУ-ын иргэний үнэмлэхийг нь гардуулан өгсөн талаар “TASS” агентлаг мэдээлэв.

Стивен Сигал 1952 онд АНУ-ын Мичиган мужид төрсөн билээ.

Б.Дэлгэрцэцэг