Хар тэнгист осолдоод буй Оросын “ТУ-154” онгоцны хар хайрцагны бичлэгийг аврагчид өчигдөр олж, Москва хот руу илгээсэн билээ. Тэгвэл мэргэжилтнүүд нисгэгчийн бүхээгийн хэсэгт байрлах хар хайрцагны бичлэгт үлдсэн ахмадын сүүлчийн үгийг тайлсан талаар “TASS” агентлаг мэдээллээ.

Ахмад “Дэвүүрийн хэсэгт асуудал гарлаа. Бүх зүйл дууслаа” гэж хэлжээ. Дэвүүрийн хэсэг гэдэг нь онгоцны далавчны ар хэсэгт байрлах хэсэг аж.  

“Уг бичлэгээр онгоц техникийн асуудлаас болж осолдсон болохыг тогтоолоо” хэмээн нэгэн гэрч ярьжээ. Онгоц хөөрөх үед нисэхийн ажилчид дэвүүрийн хэсгийг шалгаагүйгээс болж, осол гарсан хэмээн таамаглаж байна. “ТУ-154” осолдож буйг харсан гэрчүүд “Онгоц өндрөө авч чадахгүй, их сонин нисч байсан. Яг л далавч нь гэмтсэн шувуу шиг” гэж ярьжээ.

Б.Дэлгэрцэцэг