Чөлөөт бөхийн насанд хүрэгчдийн УАШТ энэ сарын 7-8-нд Буянт-Ухаа спорт цогцолборт болно.

Тэмцээнд олимпийн хүрэл медальт, дэлхийн хошой аварга, гавьяат тамирчин С.Батцэцэг оролцох юм. Мөн ДАШТ-ий мөнгөн медальт, гавьяат тамирчин П.Өнөрбат жин өгсөж, 86 кг-д зодоглоно.

Энэ жилийн тэмцээнийг Азийн наадмын аварга, ОУХМ Г.Наранчимэг, ОУХМ Хүдэрбулга, ДАШТ-ий хүрэл медальт, гавьяат тамирчин Э.Бэхбаяр нар өнжиж байгаа юм. Мөн Монгол улсын начин ОУХМ Ж.Чулуунбат тэмцээнийг өнжиж,  дасгалжуулагчийн албанд шилжжээ.

УАШТ-ний ерөнхий шүүгчээр олон улсын шүүгч Ц.Цэрэнхүү, хяналтын шүүгчээр олон улсын шүүгч Х.Чойжилжав томилогдсон байна.

Өнөөдөр тэмцээний эрэгтэйчүүүдийн -57, -65, -74, -97 кг, эмэгтэйчүүдийн -48, -55, -60,  -69 кг-ын жингийн барилдаан болж, аваргууд тодорно. Барилдаан энэ өдрийн 11.30 цагт эхлэх юм.

Энэ жилийн УАШТ нд амжилттай барилдсан тамирчид үндэсний шигшээ баг болон энэ жилийн ДАШТ-ны сонгон шалгаруулалтын шигшээд өрсөлдөх эрхийг хүртэх давуу юм байна.

Г.Тэгшсүрэн