Үндэсний хороо хуралдлаа

img

Замын хөдөлгөөний аюулгүй байдлыг хангах үндэсний хороо хуралдлаа

 

 

НҮБ-ын Ерөнхий Ассамблейгаас 2011-2020 оныг “Замын хөдөлгөөний аюулгүй байдлын жил” болгохоор зарлаж, Монгол Улсын Засгийн газраас Замын хөдөлгөөний аюулгүй байдлыг хангах үндэсний хороо байгуулсан билээ. Тус хорооны ээлжит хуралдааныг Зам, тээврийн хөгжлийн яамнаас өнөөдөр зохион байгуулж, замын хөдөлгөөний аюулгүй байдлыг хангах стратеги хэрэгжүүлэх зорилтоо танилцууллаа.

 

Зам, тээврийн хөгжлийн сайд Д.Ганбат энэхүү хороог ахладаг бөгөөд цаашид авч хэрэгжүүлэх арга хэмжээнийхээ талаар гишүүдтэй санал солилцлоо. Тэрээр “Замын хөдөлгөөний аюулгүй байдлын асуудлыг өдийг хүртэл зөвхөн замын хөдөлгөөнд оролцогч, цагдаагийн байгууллагын  үйл ажиллагаатай холбож ирсэн байдаг. Энэ нь ХҮН-ТЭЭВРИЙН ХЭРЭГСЭЛ-ЗАМ-ОРЧИН гэсэн 4 элементийн аюулгүй байдлыг цогц асуудал учраас стратеги төлөвлөгөөг хэрэгжүүлэхдээ энэхүү бодлогыг баримтална” хэмээн хэллээ.

 

Мөн Замын хөдөлгөөний аюулгүй байдлыг хангах стратеги хэрэгжүүлэхэд хэд хэдэн зорилт дэвшүүлсэн бөгөөд эдгээр зорилтыг хэрэгжүүлэхийн тулд холбогдох байгууллагууд буюу Эрүүл мэнд, Хууль зүй, дотоод хэргийн, Барилга хот байгуулалтын, олон улсын байгууллагатай хамтран ажиллах талаар мэдээллээ.

 

Энэ хүрээнд хэд хэдэн ажлуудыг хийж хэрэгжүүлэхээр төлөвлөөд байгаа аж. Тухайлбал, байгууллагуудын уялдаа холбоог хангаж, тээврийн хэрэгслийн ослын өмнөх, ослын дараах, байгаль орчны аюулгүй байдлыг хангах, тэр дундаа замын хөдөлгөөний аюулгүй байдалд нөлөөлж байгаа буруу талдаа жолооны хүрдний асуудлыг шийдвэрлэх юм. Мөн хот төлөвлөлтийг замын хөдөлгөөний зохион байгуулалт, тээвэр төлөвлөлттэй уялдуулах, хөдөлгөөний менежментийг боловсронгуй болгох замаар хөдөлгөөний түгжрэл саатал, осол гэмтлийг бууруулахаар төлөвлөжээ. Зам тээврийн осол, зөрчлийн мэдээг үнэн зөв нэгтгэх, мэдээллийг зүй зохистой ашиглахаас гадна замын хөдөлгөөний аюулгүй байдлын эрх зүйн орчныг боловсронгуй болгохын тулд замын хөдөлгөөнд оролцогч, зам, тээврийн хэрэгсэл, орчны багц судалгаа хийх зайлшгүй шаардлагатай байгаа аж. Түүнчлэн төрийн болон төрийн бус байгууллагуудын оролцоог хангахын тулд цахим сүлжээ бий болгох, ажиглах нөхцөлийг бүрдүүлж, замын хөдөлгөөнд оролцогч, жолоочийн зөрчилд оноо тооцох аргачлалыг боловсронгуй болгох зэрэг ажлуудыг шат дараатайгаар хийж хэрэгжүүлэхээр төлөвлөсөн байна. 

СЭТГЭГДЭЛ БИЧИХ

Зочин:
httpCash4Visits.comref.php?refId=344036 энэ линкээр нэвтэрч ороод Register now дарж бүртгүүлсэнээр 2 таны дансанд орох бөгөөд цаашид таны линкээр зочилсон хүний тоогоор 0,5 нэмэгдэж орох болно. Хамгийн багадаа 30 хүрэхэд та мөнгөө авах эрхтэй болох бөгөөд тус веб сайтаас олон улсын карт бэлэглэх бөгөөд Голомтбанк болон Капитрон банк ашиглан мөнгөө авах боломжтой. Одоогоор тус сайтад 380000 гаруй мянган гишүүн бүртгэлтэй байгаа бөгөөд өдөртөө 5-30 доллар сардаа 150-900 долларын цалинтай ажиллаж байна. Интернет хандалтын тоогоор тус сайтад интернетийн компаниуд мөнгө төлдөг бөгөөд хичээнгүйгээр линкэн дээрээ хүн элсүүлээд хийгээд үз
2017-01-13