АН-ын даргыг сонгох сонгуулийн санал хураалт маргааш орон даяар явагдана. Нийт гишүүдээсээ намын даргаа сонгож, Монголын улс төрийн түүхэнд шинэ зам мөрийг бий болгож буй хэмээн өөрсдөөрөө бахархаж буй АН-ынхан цэвэрхэн сонгуульдахгүй бололтой.
Учир нь АН-ын дарга З.Энхболд, АН-ын Ерөнхий нарийн бичгийн даргын үүрэг гүйцэтгэгч Л.Эрхэмбаяр нар "алга болжээ". Тэд санал өгөх гишүүдийн нэрсийн жагсаалтыг аваад сураггүй байгаа гэнэ. Одоогоор тэдний утас нь холбогдохгүй, хаана байгааг нь АН-ынхан мэдэхгүй байгаа аж. Тэднийг нэрсийн жагсаалтад "хор" оруулах нь гэж намынхан нь хардаж байна.
Сонгуулийн санал хураалт маргааш явагдах учраас нэрсийн жагсаалтыг өнөөдөр орон нутаг руу илгээх учиртай. Гэвч дарга нар нь нэрсийн жагсаалтыг авч "алга болсноор" энэ ажил хүлээлтийн байдалтай байгаа аж.
В.Бат
Уншиж байна |