Украины зүүн хязгаарын нөхцөл байдал хяналтаас гарч, сөргөлдөөний бүсэд амьдарч буй иргэдэд хүмүүнлэгийн тусламжтай шаардлагатай байгаа талаар НҮБ-ын Аюулгүй зөвлөл олон улсад хандан мэдэгдлээ.

Мөн Аюулгүй зөвлөл сөргөлдөөний бүс буюу Донбасст гал зогсохыг уриалжээ. Засгийн газрын цэргүүд салан тусгаарлагчдад алдсан бүс нутгаа чөлөөлөхөөр өнөөг хүртэл тэмцэж буй юм.

Мөн НҮБ, ОХУ, Франц, Герман, Украины эрх баригчдын байгуулсан Гал зогсоох гэрээ буюу “Минск”-ийн гэрээний хэрэгжилт сул байгааг шүүмжлэн уг асуудлаар “Норманын дөрвөл”-ийг дахин уулзаж, гэрээгээ шинэчлэхийг уриалсан байна.

Өнгөрсөн амралтын өдөр сөргөлдөөний бүсэд салан тусгаарлагчид гал нээсний улмаас 10 гаруй хүн амиа алдсан гэнэ. Украины Ерөнхийлөгч Петр Порошенко “Салан тусгаарлагчдыг ялах хүртлээ армийнхан гартаа зэвсгээ барьсаар байх болно. Бид тэмцлээ зогсоохгүй” гэж хэлжээ.

Б.Дэлгэрцэцэг