Хойд Солонгосын удирдагч Ким Чен Уны эцэг нэгт ах Ким Чен Нам өнгөрөгч долоо хоногийн эхээр Малайзын Куала Лампур хотын олон улсын нисэх буудалд байхдаа бусдад хорлогдож амиа алдсан юм. Цагдаагийнхан шуурхай ажиллаж уг хэрэгтэй холбогдуулан хоёр эрэгтэй, хоёр эмэгтэйг баривчлаад байна. Мөн бусад этгээдүүдийг эрэн сурвалжиж эхэллээ.

Ким Чен Нам ямар шалтгааны улмаас амиа алдсан нь өнөөг хүртэл нууц хэвээр байгаа юм. Тэгвэл Ким Чен Намыг хэрхэн хордуулж буй үеийн хяналтын камерийн бичлэг олдсон талаар “www.dailymail.co.uk” сайт мэдээллээ.

Эхний сэжигтэн буюу цагаан цамцтай бүсгүй Ким Чен Намын амыг цагаан даавуугаар хааж буйгаар уг бичлэгт бичигджээ.

Эмэгтэй хэргийн газраас явах үед Ким Чен Намын биеийн байдал муудсан байна.  Мөн цагдаагийнхан Ким Чен Нам бусдад хорлогдсоны дараах үеийн гэрэл зургийг нийтэд үзүүлжээ.

Б.Дэлгэрцэцэг