Хойд Солонгосын удирдагч Ким Чен Уны эцэг нэгт ах Ким Чен Намын үхэлтэй холбогдуулан Малайзын Цагдаагийнхан Куала Лампур дахь Хойд Солонгосын Элчин сайдын яамны нөлөө бүхий эрхмүүд болох Ким Ук, Хуон Кванг Сонг нарыг  эрэн сурвалжилж эхэлсэн талаараа хэвлэлийнхэнд уламжлав.

Малайзын Цагдаагийн Ерөнхий газрын дарга Халид Абу Бакар “Эдгээр хоёр сэжигтэн Ким Чен Намын үхэлтэй шууд холбоотой. Тэд хараахан манай улсаас гарч амжаагүй хэмээн үзэж байна. Цагдаагийнхан тэднийг орон даяар эрэн сурвалжилж байна” гэж мэдэгджээ.

Цагдаагийнхан тэдний гэрэл зургийг ил болгосон байна.

Малайз "Ким Чен Намын үхэлд Пхеньян бий" хэмээн үзэж Хойд Солонгост суух Элчин сайдаа эргүүлэн татаад буй юм.

Ким Чен Нам энэ сарын 13-нд Куала Лампураас Макао хүрэх онгоцонд суухаар нисэх буудалд ирэх үедээ бусдад хорлогдсон юм. Уг хэрэгтэй холбогдуулан дөрвөн этгээдийг баривчлаад байна.

Б.Дэлгэрцэцэг