Иран улс нутгийнхаа хойд хэсэгт Фордо хэмээх газарт ойрын үед уран баяжуулах шинэ обьектийг ашиглалтад оруулах гэж буй тухайгаа зарласан. Үүнтэй холбогдуулан АНУ-ын төрийн департаментаас мэдэгдэл гаргажээ. Уг мэдэгдэлд Ираны эрх баригчдын ойрын үед ашиглалтад оруулахаар зэхэж буй газар доорхи уран баяжуулах обьектын төлөвлөгөөгөө зогсоохыг шаардсан байна. Энэхүү обьект ашиглалтад орж уран баяжуулаад эхэлбэл Ираны цөмийн зэвсэгтэй болох хөтөлбөр хэрэгжиж дуусахад том алхам болно хэмээн АНУ түгшиж байна хэмээн олон улсын ажиглагчид дүгнэжээ. Харин Иран улсын хувьд ОХУ-ын дэмжлэгтэйгээр барьж дуусгасан Бушерын атомын цахилгаан станцыг тус газар доорхи үйлдвэрээс баяжуулсан уранаар хангаж цөмийн эрчим хүч үйлдвэрлэх болно хэмээн үзэж байгаа аж.