“Дүнжингарав-2017” хаврын морин уралдаан үргэлжилж байна. “Дүнжингарав-2017” морин уралдааны азарга насанд 170 гаруй хүлэг шандас сорьсоноос Орхон аймгийн Жаргалант сумын уяач Г.Баярцэнгэлийн зээрд азарга түрүүлжээ.  Уг зээрд азарга нь өнгөрсөн жил болсон Хангай бүсийн наадамд мөн түрүүлж байжээ. Аман хүзүүнд уяач н.Эрдэнбулганы уясан бор азарга орж ирсэн байна.

Айргийн гуравт уяач н.Дамбажавын хээр азарга, дөрөвт мөн н.Дамбажавын зээрд азарга тус, тус хурдалсан бол тавд “АПУ”-гийн Г.Батхүүгийн хүү Б.Ганхүлэгийн хул азарга орлоо.