Британийн “Spice Girl” хамтлагийн дуучин, “Авъяаслаг Америкчууд” шоуны шүүгч Мел Б арван жил ханилсан нөхрөөсөө салсан тухай “www.dailymail.co.uk” сайт мэдээллээ.

Өдгөө 42 настай дуучин өчигдөр салах өргөдлөө Лос Анжелес хотын Дээд шүүхэд өгчээ. Тэрбээр салах өргөдлийнхөө зургийг инстаграмдаа байршуулаад “Ингээд л дууслаа” хэмээн бичсэн байна.

Дуучин 2007 онд Стивен Белафонт гэх залуутай Лас Вегас хотноо хуримласан юм.  Хос таван настай Мэдисон гэх охинтой билээ. Харин Мел Б өмнөх гэрлэлтээсээ хоёр хүүхэдтэй билээ. 

Салалтын шалтгаан тодорхойгүй байгаа ч хос өнгөрсөн оноос тусдаа амьдрах болсон талаар барууны хэвлэлүүд бичиж байна.

Б.Дэлгэрцэцэг