Завхан аймгийн ихэнх нутгаар ойрын өдрүүдэд цас ихээр орж, цасан шуурга шуурч Улсын болон орон нутгийн чанартай зам, даваа хаагдаж болзошгүй нөхцөл байдал үүссэн тул Улиастайгаас - Улаанбаатар, Говь-Алтай, Увс, Ховд аймгийн чиглэлийн болон орон нутгийн тээврийн хэрэгслийн хөдөлгөөнийг хязгаарлаад байна.  

Завхан аймгийн онцгой комиссын шийдвэрээр тус чиглэлийн замыг өнөөдрийн 12.00 цаг хүртэл түр хугацаагаар хязгаарласан юм.