Иракийн хэт даврагч “Халифатын вант улс” бүлэглэл өчигдөр олон нийтийн сүлжээнд 13 минут үргэлжлэх видео бичлэгээ байршуулсан талаар “www.dailymail.co.uk” сайт мэдээллээ. Тус бүлэглэл уг бичлэгийг Мосул хотноо хийсэн байна.

Бичлэгт террористууд гурван эмэгтэйг амьдаар нь шатааж буйгаар гарсан нь олныг айдаст автуулжээ. Эмэгтэйчүүдийг шатаасан талаараа террористууд “Тэд ариун Аллахаас урвасан” гэж мэдэгдсэн байна.

Иракийн нэгэн хэвлэлийн мэдээлсэнээр "амиа алдсан эмэгтэйчүүд Исламын улсын дайчидтай гэрлэхээс татгалзсан учир тус бүлэглэлийн хуулиар хатуу цээрлүүлсэн” гэж мэдээлжээ.

Исламын улс бүлэглэл өмнө нь Йорданы нисгэгчийг амьдаар нь шатаахаас нь гадна өөрсдийнх нь хяналтад байгаа бүс нутгуудад амьдарч буй бага насны 100 гаруй хүүхдийг шатаасан билээ.

Иракийн ардыг чөлөөлөх армийнхан Мосул хотыг чөлөөлөхөөр тэмцсээр байна. Армийнхан хотын 70 орчим хувийг чөлөөлж, бүслэлтэд байгаа иргэдийг хотоос гаргаж буй билээ.

Б.Дэлгэрцэцэг