Өмнөд Солонгосын Чежү арлыг чиглэн явж байсан “Севол” нэртэй хөлөг онгоц өнгөрсөн 2014 оны дөрөвдүгээр сард осолдсон билээ.

Ослын улмаас 304 хүн амиа алдсан юм. Ослын дараа аврагчид уснаас 295 зорчигчийн цогцсыг гаргасан бол өнөөг хүртэл есөн зорчигчийн цогцос олдоогүй байна. Сураггүй алга болсон зорчигчдыг 2015 оны эхээр “амиа алдсан” хэмээн нийтэд мэдэгдсэн билээ. Амиа алдагсдын ихэнх нь дунд сургуулийн сурагчид байсан юм.

Гурван жил далайн дор байсан “Севол” хөлгийг уснаас гаргах ажиллагаа амжилттай үргэлжиж, хөлгийг уснаас гаргажээ.

Тэгвэл Аврах албаныхан “Аврагчид хөлөг дотроос ямар ч цогцос олдоогүй. Хөлгийг 100 хувь уснаас гаргасны дараа цогцсуудыг нэг бүрчлэн эрэн хайх болно. Ясны хэлтэрхийнүүд олдсон бөгөөд уг хэлтэрхийнүүдийг шүүх шинжилгээний хүрээлэн рүү илгээсэн” хэмээн мэдэгдсэн аж.

Б.Дэлгэрцэцэг