ОХУ-ын Санкт-Петербург хотын метронд дэлбэрэлт болж, 11 хүн амиа алдаж, 45 хүн шархтаад байна.

Шархтсан хүмүүсийг орон нутгийн эмнэлэгт хүргэжээ.

Тэгвэл уг дэлбэрэлтийн дараа АНУ-ын Ерөнхийлөгч Дональд Трамп ОХУ-ын Ерөнхийлөгч В.Путинтэй утсаар холбогдож, эмгэнэл илэрхийлсэн талаар “TASS” агентлаг мэдээллээ.

Уг мэдээллийг Кремлийн хэвлэлийн төлөөлөгч Дмитрий Песков баталсан байна. Удирдагчид хагас цаг орчим ярилцжээ.

Ерөнхийлөгч Трамп “Харамсалтайгаар амиа алдсан хүмүүсийн гэр бүлд эмгэнэл илэрхийлье. Үнэхээр харамсалтай зүйл боллоо” гэсэн болн Ерөнхийлөгч Путин Хоёр улс хамтран терроризмын эсрэг тэмцэх ёстой” гэж мэдэгдсэн байна.

Б.Дэлгэрцэцэг