ОХУ-ын Санкт-Петербург хотод террорист халдлага болж, 14 хүн харамсалтайгаар амиа алдсан билээ.

Тус улсын хуулийн байгууллагынхан халдлага үйлдсэн этгээдийг хэн болохыг тогтоогоод байгаа юм. Халдлага үйлдсэн этгээдийг Акбаржон Жалилов гэдэг бөгөөд 22 настай аж. Шалгалтаар тэрбээр Киргизстан улсын иргэн болохыг тогтоожээ. Тэрээр Санкт-Петербург хотноо 2011 оноос хойш амьдарсан гэнэ. Цагдаагийнхан түүний гэрт нэгжлэг хийж, гар хийцийн бөмбөг хийхэд ашигладаг зүйлсийг олсон байна.

Тэгвэл халдлага үйлдсэн хэмээн сэжиглэгдэж буй Акбаржон Жалиловын цогцсыг таних ажиллагаанд эцэг, эх нь оролцжээ. Тэд хүүгээ таньсан талаар “www.news.sky.com” сайт мэдээллээ.

Б.Дэлгэрцэцэг