Монголын чөлөөт бөхийн холбоо Азийн АШТ-д өрсөлдөх баг, тамирчдын мэдүүлгийг хоцроосон тул Дэлхийн бөхийн нэгдсэн холбооноос манай тамирчдыг оролцуулах боломжгүйд хүрснийг мэдэгдээд байна.

Иймд МЧБХ-ноос Дэлхийн бөхийн нэгдсэн холбоонд /UWW/ Азийн АШТ-нд монголын баг тамирчдыг оролцуулах хүсэлтийг явуулсан аж. Уг хүсэлтийн хариу өнөөдөр  гарах юм байна.

ДБНХ-ноос нааштай хариу өгвөл манай тамирчид Энэтхэгийн Дели хотноо тавдугаар сарын 10-14-нд болох Азийн аварга шалгаруулах тэмцээнд оролцоно. Хэрэв таттгалзсан хариу ирвэл Азийн АШТ, ДАШТ, Дэлхийн цомын тэмцээнд чөлөөтийн тамирчид оролцох боломжгүйд хүрэх юм.

Азийн АШТ-нд манай улсын чөлөөтийн шигшээ багийн эрэгтэй найм, эмэгтэй найман тамирчин оролцохоор бэлтгэлээ базааж байна.

Г.Тэгшсүрэн