09.00 цагт: Дэлхийн Оюуны өмчийн өдрийг тохиолдуулан ОӨУБЕГ, Хууль сахиулах их сургууль, Шинжлэх ухаан технологийн сантай хамтран “Дээшлэх амьдралын эх-Инноваци” сэдэвт Эрдэм шинжилгээний бага хурлыг зохион байгуулна. Эрдэм шинжилгээний бага хурлын нээлт Хууль сахиулахын их сургуулийн 3 давхарын танхимд болно. 

09:00 - 11:00 цагт: Автотээврийн үндэсний төвд "Нийтийн тээврийн тулгамдаж буй асуудал, шийдвэрлэх арга зам" сэдэвт хэлэлцүүлэг болно.

10.00 цагт: Нийгмийн бодлого, боловсрол, соёл, шинжлэх ухааны байнгын хорооны гишүүд МУИС-ийн үйл ажиллагаатай танилцаж, дээд боловсролын салбарын бодлого, хууль эрх зүйн орчны талаар санал солилцоно.

11.00 цагт: МБШТ Гандантэгчэнлин хийд, Монгол бичгийн нийгэмлэг хамтран зохион байгуулж буй Монгол туургатны "Миний Монгол бичиг" олон улсын уралдааны шагнал гардуулах ёслолын ажиллагаа МБШТ Гандантэгчэнлин хийдийн их гэрт болно.

MN-Мэдээллийн төвд

11.00 цагт:  ОХУ-ын “Азийн хаалга” олон улсын үзэсгэлэнгийн талаарх мэдээллийг сонирхоорой.

11.30 цагт: “Гэгээ-9” СӨХ-өөс 100 айлын нийтийн цагаан байрны оршин суугчдад тулгамдаж буй асуудлаар мэдээлэл хийнэ.

12.00 цагт:  “Эрдэнэтийн хувийг иргэдэд” хөдөлгөөнөөс хэвлэлийн бага хурал зарлалаа.

12.30 цагт: Монгол Улсын иргэн Абдул Карумыг Катар Улсын иргэн, хууль бус наймаачин гэх мэтээр олон нийтийн хэрэгслээр гүтгэж нэр хүндэд нь халдаж байгаа талаар түүний өмгөөлөгч мэдээлэл хийнэ.

11:00-16:00 цагт: Д.Сүхбаатарын талбайд Нийслэлийн гэр бүл, хүүхэд, залуучуудын хөгжлийн чиглэлд ажиллаж буй байгууллагуудын үйл ажиллагааг иргэдэд нээлттэй сурталчлах, тайлбарлан таниулах, санал хүсэлтийг сонсох зорилготой “НЭЭЛТТЭЙ ХААЛГАНЫ” өдөрлөг болно.

11:40-15:00 цагт: Монгол Улсын Үндэсний номын сангийн хөмрөгт буй 35,000 баринтаггүй болон хэт хуучирсан баринтаг нь хадгалалтын горимд нийцэхгүй болсон соёлын үнэт өв болсон ном судруудад НОМЫН БАРИНТАГ хандивлах өдөрлөг болно.