Танзан улсын Ерөнхийлөгч Жон Магуфули хуурамч дипломтай 10 мянган төрийн албан хаагчийг ажлаас нь чөлөөлсөн талаар эх сурвалжийн мэдээллээс иш татан “ВВС” агентлаг мэдээллээ.

Албаныхан шалгалт явуулж боловсролын салбарын хуурамч дипломтай иргэдийг илрүүлжээ. Уг шалгалтад 450 мянган төрийн албан хаагч хамрагдсан аж.

Ерөнхийлөгч өнгөрсөн баасан гаригт хуурамч дипломтай 9932 хүнийг нэг дор ажлаас нь халж, дөрөвдүгээр сарын цалинг нь олгохгүй байхыг албаныханд даалгажээ.

Тэрбээр мөн уг шалгалт энэ оныг дуустал үргэлжиж, "дипломтай этгээдүүдийг хуулийн дагуу хариуцлага хүлээлгэх болно" хэмээн төв телевизээр хийсэн мэдэгдлийнхээ үеэр онцолсон байна. Мөн хуурамч дипломтай этгээдүүдийн нэрсийг ил болгож, өөр байгууллагад ажилд орохоос сэрэмжлүүлэх гэнэ.

Ерөнхийлөгчийн өгүүлсэнээр тус улсын Засгийн газар сар бүр 10 сая ам.долларыг хуурамч дипломтай этгээдүүдэд зарцуулдаг байсан гэв.

Б.Дэлгэрцэцэг