АНУ-ын Флорида мужид нэг залуу могой үнсэх гэж байхдаа хазуулсан хэрэг гарсан байна.

Могойнд хазуулаад буй залуу Путнам мужийн оршин суугч гэнэ. Түүнийг яаралтай эмнэлэгт хүргэж, шаардлагатай эмчилгээ хийж эхэлжээ.

Тэрбээр нэгэн найзынхаа хамтаар могойтой хамт зургаа даруулахаас гадна үнсэхийг завдсан аж.

“Нэг хүү могой үнсэх гэж байхдаа хазуулсан. Түүнд шаардлагатай эмчилгээ хийсэн. Саяхан сэрсэн. Биеийн байдал нь хэвийн байгаа” хэмээн албаныхан мэдээлэв.

Могой залуугийн уруулын хэсгийг хазсаныхаа дараа ор үндэсгүй алга болсон байна. Цагдаагийнхан орон даяар сэрэмжлүүлэг гаргаж, иргэдийг могойтой ойртохгүй байхыг уриалжээ.

Б.Дэлгэрцэцэг