Чингэлтэй дүүргийн 4-р хорооны ...дүгээр байрны оршин суугч нэгэн эмэгтэй ээжийгээ доромжилж буй бичлэг цахим сүлжээнд тархаж, уг эмэгтэйг цагдаагийн байгууллагаас саатуулан шалгасан.

Ээжийгээ тагтан дээрээ зодож, гэр бүлийн хүчирхийлэл үйлдсэн 56 настай эмэгтэй Н-д Чингэлтэй дүүргийн эрүүгийн хэргийн анхан шатны шүүхээс захиргааны хариуцлагын тухай хуулийн 22.1-д заасны дагуу 7 хоног баривчлах шийтгэл ногдуулаад байна.

Гэмт хэрэг зөрчлийн талаар олон нийтийн цахим мэдээллийн хэрэгслээр шуурхай мэдээлж иргэний үүргээ биелүүлсэн иргэдэд тус цагдаагийн хэлтсээс талархал илэрхийллээ.

Г.Тэгшсүрэн