Олон нийтийн мэдээллийн сүлжээгээр Улаанбаатар хотын төв талбайд буюу НЗДТГ-ын гадна талбайд ил задгай бие засаж буй гадаад иргэдийн фото зураг цацагдсан.

Иргэний мэдээллийн дагуу Чингэлтэй дүүргийн цагдаагийн нэгдүгээр хэлстийн  алба хаагчид зөрчил гаргасан этгээдүүдийг эрэн сурвалжилж, олж тогтоон захиргааны хэрэг бүртгэлт хийж, шүүхэд шилжүүлжээ.

Шүүхээс Захиргааны хариуцлагын тухай хуулийн 21 дүгээр зүйлд заасны дагуу тус бүрийг нь 15 мянган төгрөгөөр торгох шийтгэл ногдуулсан байна.

Зөрчил гаргасан этгээдүүд “Улаанбаатаар марафон 2017” олон улсын гүйлтийн тэмцээнд оролцохоор Сүхбаатарын талбайд өглөө эртлэн ирсэн бөгөөд хэлмэрч, хөтөчгүй явсан тул бие засах газар олоогүй аж. Улмаар ил задгай газар бие зассанаа хүлээн зөвшөөрч гаргасан үйлдэлдээ гэмшиж буйгаа илэрхийлэн иргэдээс уучлалт хүсчээ.

Г.Тэгшсүрэн