АНУ-ын эрх баригчдын заавраар тус улсын цэргүүд өчигдөр Иракийн Мосул хотноо байрлах террористуудын байршилд агаараас цохилт өгсөн талаар “Ройтерс” агентлаг мэдээллээ.

Тэгвэл уг цэргийн ажиллагааны үеэр олон энгийн иргэн амиа алдсан байна. Америкчуудын бие даан явуулсан цэргийн ажиллагааны үеэр Иракийн 105 иргэн амиа алджээ. Уг мэдээллийг Пентагоны нөлөө бүхий эрхмүүд баталсан талаар албаны эх сурвалжууд өгүүлж байна.

Америкчууд террористууд нуугдаж байсан орон сууцны барилгад цохилт өгсөн аж. Уг байрны доод давхарт энгийн иргэд байсан гэнэ.

Мөн АНУ тэргүүтэй олон улсын цэгмийн эвслийнхэн Сирийн Дейз Еззор мужийн Маяаден хотноо агаараас цохилт өгчээ. Энэхүү үйл явдлын үеэр Сирийн 35 иргэн амиа алджээ. Амиа алдагсдын дунд хүүхдүүд байсан гэв.

Б.Дэлгэрцэцэг