Японы Нагано мужийн өчигдөр орон нутгийн цагаар 7.02 цагийн орчимд хүчтэй газар хөдлөлт болсон талаар “NHK” агентлаг мэдээллээ.

Уг газар хөдлөлт 5.7 балл байсан талаар албаныхан уламжлав. Тэгвэл энэхүү газар хөдлөлтөөс хоёр цагийн дараа буюу 9.24 цагийн орчимд Нагано төв хэсэгт 4.4 баллын хүчтэй газар хөдлөлт болжээ.

Эхний газар хөдлөлт Исикава, Гифу, Тояма, Киото, Осака, Хёго, Сидзуока зэрэг 29 мужид мэдрэгдсэн бол Токиод нэг баллын донслолт мэдрэгдсэн байна. Цуврал газар хөдлөлтийн улмаас зарим мужид цахилгаан тасарсан бол олон өрхийн дээвэр нурсан хэрэг гарчээ.

Аюулгүй байдлын улмаас албаныхан газар хөдлөлт болсон бүс нутаг болон чичирхийлэл мэдрэгдсэн бүс нутгийн хурдын галт тэрэгний хөдөлгөөнийг түр хязгаарласан байна.

Б.Дэлгэрцэцэг