АНУ-ын Конгресс өнгөрөгч долоо хоногт ОХУ тэргүүтэй гурван орны эсрэг хориг тавихыг дэмжсэн билээ.

Уг үйл явдлын дараахан ОХУ-ын Ерөнхийлөгч  В.Путин эх оронд нь ажиллаж буй АНУ-ын дипломчдын тоог бууруулахаар болсноо зарлаж, Вашингтоны үйлдэлд сэтгэл дундуур буйгаа мэдэгдсэн юм.

АНУ-ын Ерөнхийлөгч Дональд Трамп Конгрессийн баталсан хоригт гарын үсэг зурсанаар тус улс Оросын эсрэг дахин шинэ хориг авахаар боллоо.

Тэгвэл ОХУ-ын Ерөнхий сайд Дмитрий Медведев дээрх асуудлаар өөрийн байр сууриа хүргэсэн талаар “Ройтерс” агентлаг мэдээллээ.

Ерөнхий сайд “Миний харж буйгаар АНУ-ын эрх баригчид бидэнтэй худалдааны дайн зарлалаа. Тэдний үйлдэл хэтэрхий нэг талыг харсан шийдвэр. Тэд ямар ч баримтгүйгээр биднийг гүжирдэж байна” гэж мэдэгджээ.

ОХУ-ын Засгийн газрын Сири болон Украинд явуулж буй цэргийн ажиллагаатай холбогдуулан хориг тавьж буйгаа Конгресс уламжлав.

Б.Дэлгэрцэцэг