Германы өмнөд нутгийн Дакау хэмээх жижиг хотод шүүхийн танхимд прокурорыг буудаж хөнөөсөн хэрэг гарчээ. Гэмт хэрэгтэн болох 54 настай эр шүүх хуралд гар буу биедээ нууж авч орсон байна. Улмаар хэрэгтэн ажлаа хийж байсан прокурорыг буудаж хөнөөсөн байна. Прокурорын хажууд сууж байсан нэг шүүгч мөн суманд оногджээ. Прокурор биедээ гурван удаа буудуулан улмаар эмнэлэгт хүргэгдсэний дараа амиа алдсан байна. Энэ хэрэг өчигдөр гарсан байна. Амиа алдсан прокурор Мюнхенээс тус хотод томилогдон ирээд удаагүй 31 настай залуухан хуульч байжээ. Аллагын шалтгаан нь уг прокурорын өмнө нь шийдэж байсан санхүүгийн хэрэг байсан бололтой. Алуурчин прокурорт гаргасан шүүхийн шийдвэрээс нь болон хонзогнож ийн гэмт хэрэг үйлдсэн ажээ. Өнгөрсөн жил Германд үүнтэй төстэй аллага мөн л шүүхийн танхимд гарч байжээ.