Гадаад харилцааны яамны ээлжит Мэдээллийн цагаар энэ удаа Ерөнхий сайд У.Хүрэлсүхийн БНСУ-д хийсэн албан ёсны айлчлалыг онцлов. Мэдээллийг Гадаад харилцааны сайд Д.Цогтбаатар өгөв.

Тэрбээр айлчлалын онцлогийн талаар “Монголын бүх иргэдийн анхаарлыг татаж буй утааны асуудалд энэ айлчлал төвлөрлөө. Утааны талаар тодорхой арга хэмжээ авч, хөрөнгө санхүүгийн асуудлыг шийдэхээр онцгойлон анхаарсан. 500 сая ам.долларын зээлийн гэрээг зурсан. 30 жилийн хугацаатай, 0.2 хувийн хүүтэй зээлийг бид авч байгаа. Улаанбаатарыг утааг бууруулахад энэ мөнгийг зарцуулна. Энэ утаагаараа утааны эсрэг айлчлал болсон” гэсэн мэдээллийг өгөв.