Нийслэлийн Зорчигч тээврийн нэгтгэлийн захирал Г.Төмөрбаатарыг огцрохыг шаардаж тус нэгтгэлийн Үйлдвэрчний хорооны гишүүд өнөөдөр /2018.04.04/ мэдээлэл хийлээ.

Тус нэгтгэлийн захирал Г.Төмөрбаатар нь 140 гаруй хүний цалинг дутуу өгсөн, өндөр настны тэтгэвэртээ гарсан 40 гаруй хүний нийгмийн асуудлыг шийдэж өгөөгүй зэрэг шалтгаанаар түүнийг огцрохыг, ажилчдаасаа уучлалт гуйхыг шаардаж байгаа аж.

Зорчигч тээврийн нэгтгэлийн үйлдвэрчний хорооны гишүүд Г.Төмөрбаатар даргыг огцрохыг удаа дараа шаардсан ч Нийслэлий Засаг дарга С.Батболд хаацайлж байна. Тиймээс бид 60 тэрбумын авлигын хэрэгт холбоотой байж болзошгүй гэж хардахад хүрээд байна. АТГ-аас Г.Төмөрбаатарыг 100 хувь буруутай үйлдэл болохыг тогтоосон. Шүүх хурлаас ч тэтгэвэр цалингаа авах ёстой хүмүүст мөнгийг нь олго гэдэг шийдвэр гаргсан. Гэтэл Г.Төмөрбаатар одоог хүртэл ажлаа хийсээр, ажилчид цалин тэтгэврийн мөнгөө олж авч чадаагүй л явна. Засаг дарга С.Батболдоо  Г.Төмөрбаатарыг чөлөөлөхыг шаардаж байна” гэв.

Дэлгэрэнгүй мэдээллийн эргэн хүргэнэ.

Г.Тэгшсүрэн