ОХУ-ын Санкт-Петербургийн “Пулково-1” нисэх буудлын Гаалийн хар тамхитай тэмцэх хэлтсийн байцаагчид 2012 оны эхний хар тамхи зөөвөрлөгчийг илрүүлжээ. Тажикистан улсын иргэн "Х" нь Душанбе хотоос ОХУ-руу 2012 оны 1-р сарын 08-ны өдөр зорчих замдаа 137 ширхэг хуванцар капсултай нийт 1031,2 грамм буюу 1 кг орчим “героин”-ыг залгин хил гаргахыг завдсан байна. Хар тамхи залгигч этгээдийг эмнэлэгт хүргүүлэн мансууруулах бодисыг биеэс гарган авч ОХУ-ын хууль тогтоомжийн дагуу зөөвөрлөгч этгээдэд эрүүгийн хэрэг үүсгээд байна. Өнгөрөгч 2011 онд “Пулково-1”  нисэх буудлын гаалийн байцаагчид нийтдээ 14 хар тамхи ”залгигч” этгээдийг илрүүлэн, 8,9 кг мансууруулах бодисыг хураан авчээ.