Монголын үйлдвэрчний эвлэлүүдийн холбооны ерөнхийлөгч С.Ганбаатар нар өнөөдөр хэвлэлийн бага хурал хийж ирэх баасан гарагт буюу энэ сарын 20-ны өдөр орон даяар эсэргүүцлийн жагсаал хийх болсноо өнөөдөр албан ёсоор мэдэгдлээ. Эсэргүүцлийн жагсаал хийх болсон үндэслэл нь  шатахууны үнэ нэмэгдэж, улмаар үүнийг дагаад өргөн хэрэглээний бараа, бүтээгдэхүүний үнэ өссөнтэй  холбоотой аж. Өмнө нь дээрх асуудлаар Засгийн газарт гурван талт хэлэлцээ хийх санал тавьсан  ч  уг саналыг Засгийн газар  хүлээж аваагүй юм байна.  Тиймээс эсэргүүцлийн жагсаал зохион байгуулах ажлын хэсэг байгуулагдсан энэ сарын 20-ны өдөр орон даяар эсэргүүцлийн жагсаалыг нэгэн зэрэг зохион байгуулахаар төлөвлөжээ.