ОХУ-ын Тэнгисийн цэргийнхэн өчигдөр Крымийн хойгийн ойролцоо Украины тэнгисийн флотын гурван хөлгийг барьцаалсан талаар "Ройтерс" агентлаг мэдээллээ. 

"Уг хөлгүүдийг ОХУ-ын усан хилийг зөрчсөн" хэмээн Москва мэдэгдэв. 

Азовын тэнгист хүрдэг нарийн усан зам болох Керчийн хоолойд Украины хөлгүүд рүү гал нээж, улмаар олзолсон гэнэ. 

Украины гурван хөлөг Мариуполийн боомтод хүрэхээр зорчиж байжээ. Киев энэхүү үйл явдлыг "Өдөөн турхирсан үйл явдал" гэж мэдэгджээ. 

Гал нээх үед Украины хоёр цэрэг шархадан ба тэдний талаар мэдээллийг нууцалж буй талаар ойрын эх сурвалж өгүүллээ.

Оросын гэнэтийн дайралтын үеэр Украины чирэгч хөлгийн хөдөлгүүр эвдэрсэн байна. Уг үйл явдлын дараа ОХУ-ын эрх баригчид Керчийн хоолойг хаах шийдвэр гаргажээ.

Б.Дэлгэрцэцэг