Өмнөд Солонгосын Ерөнхийлөгч Мун Жэ Ин өнгөрөгч есдүгээр сард Пхеньян  хотноо түүхэн айлчлал хийсэн билээ. Уг айлчлалын дараа Хойд Солонгосын удирдагч Ким Чен Ун хүндэт зочиндоо  Пунгсан үүлдвэрийн нэг настай эр, эм анч хоёр нохойг бэлэглэсэн юм. 

Хөх ордны уг нохдыг Энхтайвны бэлэгдэл хэмээн нэрийджээ.

Тэгвэл уг нохдоос төрсөн гурван эр, гурван эм гөлөгний зургийг анх удаагаа нийгмийн сүлжээнд байршуулсан талаар "ВВС" агентлаг мэдээллээ. 

Ерөнхийлөгч Муны албан ёсны твиттер хуудаст байршуулсан аж.  Гөлөгнүүдийн зургийг мөн Пхеньян руу илгээсэн гэж албаныхан уламжлав. 

Б.Дэлгэрцэцэг