ОХУ-ын Магнитогорск шинэ он солигдохтой зэрэгцэн нэгэн орон сууцны барилга нурсан билээ. Арван давхар барилгын нэг орц нурсан нь газ дэлбэрсэнтэй холбоотой гэж албаныхан мэдэгдэв.

Нурсан орцонд нийт 120 гаруй хүн амьдардаг аж. 

Уг гэнэтийн ослын үеэр есөн хүн амиа алдаж, 40 гаруй хүн бэртэж, 30 гаруй хүн сураггүй болжээ. Сурагггүй бологсдын дунд нярай хүүхэд байсан нь олныг цочирдуулж байв.

Тэгвэл аврагчид өнөөдөр үүрээр нурангид даруулсан 11 сартай хүүг эсэн мэнд аварсан талаар "TASS" агентлаг мэдээллээ. Хүү 36 цагийн турш нуранги дор байсан гэнэ. 

Хүүг яаралтай эмнэлэгт хүргэж, шаардлагатай эмчилгээ хийж эхэлжээ. Мөн аврагчид хүүгийн эцэг, эхтэй холбоо тогтоохоор ажиллаж байна. 

ОХУ-ын Ерөнхийлөгч В.Путин өчигдөр ослын газар очиж, нөхцөл байдалтай биечлэн танилцжээ. 

Б.Дэлгэрцэцэг