Арабын хойгт шашны айлчлал хийгээд нутаг буцаад буй Ватиканы хамба лам Францис хоёр удирдагчтай болоод буй Венесуэлийн асуудалд ихээхэн хямарч буйгаа илэрхийлсэн талаар "Ройтерс" агентлаг мэдээллээ.

Тэрбээр нэн даруй Венесуэлийн Ерөнхийлөгч Николас Мадуро болон сөрөг хүчний тэргүүн Хуан Гуайдо нарыг эвлэрч, ард түмнийхээ төлөө буулт хийж, улс төрийн хямралаа цэгцлэхийг уриалсан байна.

Хамба ламтан "Венесуэлийн асуудал миний сэтгэлийг зовоож байна. Олон сая иргэний аюулгүй байдлын төлөө тэд тэмцлээ харилцан зогсоож, хамтран ажиллах учиртай. Мөн Венесуэлийн дотоодын асуудалд аль нэг улс оролцож, гал дээр том нэмэх учиргүй" гэж мэдэгджээ.

Хамбатан түүхэндээ анх удаагаа исламын шашинтай Арабын Эмират улсад гурван өдрийн турш айлчилсан юм. 

Б.Дэлгэрцэцэг