Хятадын цахим худалдааны "Алибаба" компанийн үүсгэн байгуулагч, тэрбумтан Жак Ма нийт ажилчдынхаа ажиллах цагийг 12 цаг хүртэл нэмэгдүүлэх хүсэлтэй буйгаа илэрхийлжээ.

Түүний төлөвлөж буйгаар ажилчид өглөөний 9 цагаас оройн 21 цаг хүртэл ажиллах гэнэ. 

Жак Ма "Ажилчид өдөрт 12 цаг, долоо хоногийн 6 өдөр буюу нийт 72 цаг ажиллах, бие болон сэтгэл санааны хатуужилтай хүмүүстэй хамтран ажиллах туйлын сонирхолтой байна. Би энэ өндөрлөгт зүгээр ч нэг гарчихаагүй. Би маш их хөдөлмөрлөсөн. Өдөр бүр хичээнгүй ажилласан. Тиймээс залхуу хүмүүстэй хамт ажиллах тун дургүй" гэж хэлжээ. 

Тэрбээр уг шинэчилсэн ажлын хувиараа "996 хөтөлбөр" хэмээн нэрийдсэн ба өчигдөр болсон ажилчдын хурлыг үеэр уг төслөө танилцуулсан гэнэ. 

Энэхүү хөтөлбөрийн хүрээнд ажилчид нэг долоо хоногт хамгийн багадаа 60 цаг ажиллахыг шаарджээ. 

Тэрбумтан эрийн санаачилсан уг хөтөлбөр ажилчдын эрүүл мэнд болон нийгмийн амьдралд ноцтой нөлөө үзүүлэх эрсдэлтэй гэж олон нийт үзэж байна. 

Түүний санаачилсан гэх хөтөлбөртэй ижил асуудал өмнө нь Хятадын компаниудад ч гэсэн хэлэлцэгдэж байсан ч дэмжлэг аваагүй аж.

Жак Ма "Би болон манай хамтрагчид илүү цагаар ажилласны хүчинд л энэ том компанийг байгуулж, нийгэмд хөл дээрээ зогсоход нь тусалсан. Тиймээс илүү цагаас айх учиргүй" гэж хэлжээ. 

Б.Дэлгэрцэцэг