• 2019-05-01

Нарухито: Ард түмнийхээ төлөө хичээнгүйлэн ажиллах болно

img

Японы эзэн хаан Акихито хаан ширээгээ ууган хүү Нарухитод  шилжүүлж өгснөөр  “Рэйва” эрин албан ёсоор эхэллээ.

 

85 настай Акихито эзэн хааны хувиар сүүлийн удаа ард түмэндээ хандан мэдэгдэл хийж байна. Тэрбээр 30 жил хаан сэнтийнд заларсан билээ. 

 

Токио хотын хааны ордонд зохион байгуулагдсан хаан ширээ шилжүүлэх ёслолд эзэн хааны гэр бүл болон Ерөнхий сайд Шинзо Абе тэргүүтэй өндөр албан тушаалтнууд оролцжээ. Акихито эзэн хааны хувиар сүүлчийн удаа "Улсынхаа бэлэг тэмдэг хэмээн хүлээн зөвшөөрч, өнөөг хүртэл хүндэтгэсэн ард түмэндээ гүнээ талархаж байна. Би үргэлж ард түмнийнхээ сайн сайхны төлөө залбирах болно" гэж хэллээ.

 

Нарухито эзэн хааны сэнтийд залах ёслолын ажиллагаа ирэх аравдугаар сард зохион байгуулагдах ба дэлхийн 150 гаруй орны төрийн тэргүүн оролцох гэнэ. 

 

Японы 126 дахь эзэн хаан Нарухито. Тэрбээр 59 настай. Оксфордын их сургуулийг Түүхийн чиглэлээр төгссөн юм. Эзэн хааны гэр бүлээс  хилийн чанадад дээд боловсрол эзэмшсэн анхны гишүүн. 

 

200 жилийн хугацаанд амьд ахуйдаа хаан ширээгээ шилжүүлсэн тохиолдол бүртгэгдээгүй юм.

 

Эзэн хаан гэргий Масако Овадагийн хамтаар. 

 

Акихито 1989 онд хаан ширээнд заларч, 30 жилийн турш улсаа удирдсан билээ. 

 

Эзэн хаан Нарухитогийн охин, гүнж Айко 

 

Шинэ эзэн хаан Нарухито ард түмэндээ хандан "Ард түмнийхээ сайн сайхан, улс орны хөгжил, дэлхийн энхтайвны төлөө хичээнгүйлэн ажиллах болно" гэж товчхон мэдэгджээ. 

 

Ханхүү Фумихитогийн гүнж охид. 

 

Угсаа залгамжлагчийн хоёрт бичигдэж буй ханхүү Хисахито

 

Эзэн хаан Акихито хаан ширээнээс буух тусгай ёслол үйлдэж байна

 

Ерөнхий сайд Шинзо Абэ хаандаа талархал илэрхийллээ 

 

Б.Дэлгэрцэцэг 

СЭТГЭГДЭЛ БИЧИХ

зочин:
Манайх Эзэн Чингис Хааныхаа удмыг олж болдоггүй байх юм даа Улс орон хөгжихөд маш их нөлөөлнө дөө Монгол-чууд бид их омголон цөс хөөрүү улсууд шүү дээ
2019-05-02