Сүүлийн үед мэргэжлийн бус хүмүүс кинонд тоглож, хүмүүсийн гайхшрал, уур ундууцлыг зэрэг төрүүлэх болсон нь гэм биш зан болоод байгаа. Наад захын жишээ гэхэд, дуучин А.Амархүү, “Номин талст”-ын Д.Батсүх, Т.Дэлгэрмөрөн, дуучин Б.Дашдондог гээд цуварна. Тэгвэл тэднээс дутахгүй жүжигчин гэдгээ харуулах бас нэгэн дуучин байгаа нь “Нюанс”-ын М.Амарсанаа аж. Тэрбээр тун удахгүй нээлтээ хийх гэж байгаа “Валентинаас ирсэн захидал” кинонд Валентины дүрийг бүтээхээр болжээ. Хэдэн залууд захиа бичиж, элдэв явдлуудтай учруулдаг шидэт өвгөний дүрийг чадварлаг гаргасныг киног нь үзээд мэдэрнэ гэдгийг уран бүтээлчид нь хэлж байлаа.