Есдүгээр сарын хоёрны өдөр Улаанбаатар хотноо болсон Халх голын байлдааны ялалтын 80 жилийн ойд зориулсан баярын арга хэмжээнд Бүгд Найрамдах Буриад Улсын тэргүүн Алексей Цыденов оролцжээ. 

Тэрбээр ЗХУ-ын маршал Г.К.Жуковын хөшөөнд цэцэг өргөж, “Улаан-Үд-Халх гол” авто цувааны оролцогчидтой уулзсан байна. 

Түүнчлэн Халхын голын ялалтын 80 жилийн ойд зориулсан үзэсгэлэнгийн нээлтэд ОХУ-аас Монгол улсад суугаа онц бөгөөд бүрэн эрхэт элчин сайд Искандер Азизовтой хамтран оролцжээ. 

Өнөөдөр, есдүгээр сарын гуравны өдөр Алексей Цыденов ОХУ-ын Ерөнхийлөгчийн оролцох Орос-Монголын хэлэлцээрт оролцох юм байна. 

Г.Бямбасүрэн