Байгаль судлаачид амьтан нэг жилд туулсан хамгийн урт замыг тооцоолжээ. Туулсан замаараа дээд амжилт тогтоосон амьтан нь Монголоос гарсан саарал чоно байсан бөгөөд чоно жилийн дотор 7247 км туулсан талаар Nature мэдээллээ. 

Эх сурвалжийн мэдээлснээр Аляскийн биологч Кайл Жоли сүүн тэжээлтэн амьтдын хөдөлгөөнийг судалж байсан олон улсын бүлэгтэй хамтран ажилласан бөгөөд тэд туулсан замын дээд амжилтыг буга тогтооно гэж таамаглаж байжээ. 

Гэвч судалгааны дүнгээр Монголын саарал чоно жилд хамгийн их зам туулсан амьтан болсон гэж эх сурвалж мэдээлсэн байна. 

Г.Бямбасүрэн