Альбертын их сургуулийн эрдэмтэд хүнсний найрлага дахь чихэр ходоодны үрэвсэлт өвчин үүсэх эрсдлийг нэмэгдүүлэхийн дээр ой ухаан муудах нөхцлийг бүрдүүлдэг гэдгийг тогтоожээ. Энэ талаарх нийтлэлийг Scientific Reports сэтгүүлд нийтлэсэн байна.

Эрдэмтэд сахарын нөлөөллийг тогтоохын тулд лабораторын хулгана дээр туршилт хийсэн бөгөөд хулгануудыг хоёр бүлэгт хуваан нэг хэсгийг чихэргүй хоол хүнсээр, нөгөө хэсгийг чихэртэй хоол хүнсээр тэжээжээ.

Улмаар зохиомлоор ходоодны үрэвсэл үүсгэхэд чихрээр хооллож байсан хулганууд энэ үрэвсэлд өртөх нь илүү байсан гэнэ.

Чихэр нь хүний хоол боловсруулах систем дэх өвчин тээгч бактериуд нэмэгдэхэд нөлөөлдөг  юм байна. Мөн хүнсэн дэх их хэмжээний сахар нь Альцгеймер болон Паркинсоны өвчин зэрэг мэдрэлийн өвчнүүд үүсэх эрсдлийг нэмэгдүүлдэг гэдгийг тогтоожээ.

Г.Бямбасүрэн