Манай улсад COVID-19 вирусийн халдварын анхны тохиолдол бүртгэгдлээ. Үүнтэй холбогдуулан нийслэлийн удирдлагууд хүнсний болон ахуйн үйлчилгээний бараа бүтээгдэхүүний зах, худалдааны төвөөс бусад барааны төрлийн үйл ажиллагааг түр хугацаанд хязгаарлах шийдвэрийг гаргасан байна. 

Хүнсний захуудыг хаахгүй тул хомсдол үүснэ гэж болгоомжлох шаардлагагүй гэдгийг Хотын захирагч С.Амарсайхан хэллээ.