Монгол улс олон улсын төмөр замын харилцааг бүрэн цуцалсан шийдвэр гарсантай холбоотойгоор ОХУ руу буцах боломжгүй болсон иргэд Москва руу чартер нислэгээр буцаж болно гэж Монгол дахь ОХУ-ын Элчин сайдын яам мэдэгджээ. 

"Урьдчилсан мэдээллээр агаарын тээврийн нэг компани Москва хүртэл чартер нислэг зохион байгуулна. Тийзний үнэ эконом ангилал 432 доллар, бизнес ангилал 804 ам.доллар байна" гэж ЭСЯ-ны мэдэгдэлд онцолжээ.

ОХУ-ын Элчин сайдын яам Монголоос ОХУ руу явах хүсэлтэй Оросын иргэдийг гуравдугаар сарын 31 хүртэл консулын хэлтэст бүртгүүлэх боломжтой гэнэ.

Г.Бямбасүрэн