Ийм юм Монголчуудад мэдэгдээд хэвлэлийн бага хурал хийж байгаа бол ЭМЯ мэргэжилтнээрээ Долоон буудлын Должин эмээг авмаар юм доо.

Дэлхий нийтээр тархаад буй коронавирусын халдвар Европын орнуудад ихээхэн хохирол учруулсаар байна. Тэр дундаа Итали улсад халдвар эрчимтэй тархаж, нийт өвчлөгсдийн тоо 21157-д хүрч, 1441 хүн нас баржээ. Тус улсад хорио цээрийн дэглэм тогтоосон. Иргэдийг гадагш гарахыг хориглосон бөгөөд оршуулга хийхийг ч мөн хоригложээ. Үүний улмаас Бергамо болон Ломбарди зэрэг мужийн эмнэлэгийн цогцос хадгалах газар дүүрсэн байна. Тиймээс цогцос шатаах газрыг 24 цагаар ажиллуулж эхэлсэн байна. Италийн эмнэлэгүүд амьсгалын аппаратын дутагдалд орж, зарим өвчтөн, тэр дундаа өндөр настай иргэдэд эмчилгээ хийхээс татгалзаад буй. Мөн гэртээ ганцаар амьдардаг өндөр настнууд коронавирусын улмаас хамгийн их хохирол амсаж, эмнэлэгийн тусламж авч чадалгүй гэртээ амьсгал хураах тохиолдол гарах болжээ.