ДЭМБ-ын мэдээгээр хоногт 24 мянга 247 шинэ тохиолдол бүртгэгдэж, нас баралт 24 цагийн хугацаанд анх удаагаа мянга давсан бөгөөд нийтдээ дэлхий дахинаа 9840 хүн нас бараад байна. 

Итали, Испани, Герман, АНУ-д нэг өдөрт бүртгэгдэж буй тохиолдлын тоо 1000-5000 давлаа. Хамгийн их тохиолдол Итали улсад бүртгэгдэж хоногт 5322 тохиолдол бүртгэгдэж хоногт 627 хүн нас баржээ. Улмаар Итали улс хамгийн их нас баралт бүртгэгдсэн БНХАУ-ыг давж 4032-т хүрээд байна. 

Өнөөдрийн байдлаар нас баралтын хувь Италид 8.3 Иранд 7, Германд бага буюу 0.1 хувьтай тэнцүү байна. Анх дэгдэлт эхэлснээс хойш БНХАУ-д хоёрдахь хоногтоо дотоодын тохиодол бүртгэгдээгүй амжилттай байгаа аж. Энэ нь ямар ч хүнд нөхцөл байдлыг эргүүлж болдгийг харуулж бусад улс орнуудад итгэл өгч байна.

COVID-19 өндөр настай хүмүүст хүнд тусч байгаа хэдий ч эмнэлэгт хэвтэн эмчлүүлэх шаардлагатай иргэдийн ихэнх хувийг 50 хүртэлх насны хүмүүс эзэлжээ.

Вирусийн генетекийн дарааллыг тогтоосноос хойш 60 хоногийн дараа анхны хүн вакцины туршилтад хоёр хоногийн өмнө орсон нь шинжлэх ухаанд өмнө нь тэмдэглэгдэж байгаагүй ололт болсон гэдгийг ДЭМБ-ын ажилтан Б.Ариунтуяа мэдээллээ.

ДЭМБ-аас "Гэртээ хамтдаа" аяныг эхлүүлсэн байна.

Г.Сүрэн