ЭМЯ-наас ээлжит мэдээллээ хийж байна. Дэлхийд коронавирусийн халдвар тархсаар байна.

ДЭМБ-ын мэдээгээр Итали, АНУ-д халдвар тархалтын тоо Хятадаас давжээ. Халдвар гараагүй Лаос улс анхны тохиолдлоо бүртгэж байна. Сэтгэцийн хувьд эрүүл байх нь чухал гэдгийг ДЭМБ анхааруулсан байна.

Хятад улс Ухань хотын хөл хориог нээсэн  гарах хөдөлгөөний хаасан байна. АНУ-д коронавирусийн халдвар тархсаар байгаа аж. 

ЭМЯ-ны газрын дарга н.Нарангэрэл: 

-Манай голомтод ажиллаж байгаа эмч нар илүү цагийн цалингаа аваад явж байгаа. Голомтод ажиллаж байгаа эмч, сувилагч нарынхаа халаасанд витамин С ч болов хийгээд явуулаарай гэж сайд захиж байгаа. Коронавирусийн халдвар 201 оронд тархсан. АНУ-д 14 минут тутамд нэг хүнд халдварлаж байгаа гэлээ. 

ЭМТҮГ-ын дарга н.Буянжаргал:

-Хүмүүс коронавирусийн халдварыг зайнаас эмчилнэ, хурдан хугацаанд эмчилнэ гэж сошиал, нийгмийн сүлжээгээр явуулж байна. Бид ДЭМБ-ын зөвлөсний дагуу эмчилгээг явуулж байгаа.

ХӨСҮТ-ын дарга Д.Нямхүү:

-Өчигдрийн байдлаар сэжигтэй тохиолдол бүртгэгдээгүй байна. Дөрвөн аймагт коронавирусийн халдварыг оношлох төхөөрөмжтэй болсон хэмээв. 

Тэд мэдээлэл хийснийхээ дараа сэтгүүлчдийн асуултад хариулав. 

-"Ковид-19"-ээр халдварласан хүмүүсийн биеийн байдал ямар байна вэ?

-ХӨСҮТ-д эмчлэгдэж байгаа хүмүүсийн биеийн байдал тогтвортой байна. Эмчилгээний үр дүн, тактик зөв байгаа. Цаашдаа үргэлжилж, тодорхой өдрүүдээр үргэлжилнэ. 

Н.Энх