БНХАУ-д тахлын улмаас амиа алдсан хүмүүс болон бусдын амь насыг авран өөрийгөө золиосолсон эмнэлгийн ажилтнуудын дурсгалыг хүндэтгэн дөрөвдүгээр сарын дөрөвний өдрийг Үндэсний гашуудлын өдөр болгожээ. 

Синхуа агентлагийн мэдээлснээр Хятад даяар төрийн далбааг бөхийлгөж, олон нийтийн арга хэмжээг цуцалсан байна. 

Өглөөний 10.00 цагт бүх нийтээр дуугаа хураан хүндэтгэл үзүүлсний дээр автомашин, галт тэрэг, хөлөг онгоцууд дуут дохио өгч дурсгалыг  хүндэтгэх аж. 

Өнгөрсөн оны сүүлээр тахлын голомт болсон Хятад улсад COVID-19 вирусээр 82 мянган хүн халдварлаж, гурван мянга гаруй хүн амиа алдсан юм.

Г.Бямбасүрэн